सोन्याचे मूल्य भाग १

" दागिने? हो, आहेत. पण कोणाचे ? मानसी, माझ्या आईचे ते पिढीजात दागिने कपाटात आहेत. मला ठाऊक आहे. पण... पण माझी हिंमत होत नाहीये गं !
आईला ते मागायची. ज्या आईने आयुष्यभर कष्ट करून ते दागिने जपले, तिच्यासमोर जाऊन 'मला तुझे दागिने विकायला दे' असं म्हणायची माझी हिंमत नाही.
आईचे दागिने विचारणे म्हणजे माझ्या स्वाभिमानाचा सत्यानाश आहे.
तिची ती कडक शिस्त आणि तिचा तो अधिकार... मला भीती वाटते, मी तिच्या डोळ्यात डोळे घालून हे मागूच शकत नाही.
ती नकार देईल या भीतीने नाही, तर माझ्या अपयशामुळे तिच्या मनाला होणाऱ्या त्रासामुळे मी खचून जाईन"
आनंदने आपले डोके दोन्ही हातांत धरून हताशपणे सांगितले.