वारसा पत्रांचा भाग १

विमल, तुझे पत्र मिळाले. वाचून समाधान झाले. तू सासरी सुखात आहेस हे ऐकून हायसे वाटले. पण पत्रात तू लिहीलंस की पुण्यात महागाई खूप आहे, चिंता करू नकोस गं ! इकडे यावेळेस भात शेतीचे उत्पन्न पावसाने पूर्णपणे नेले. पदरात काहीच पडले नाही. घराचे छप्पर गेल्या वादळात उडाले होते, ते नीट करण्यासाठी सावकाराकडून कर्ज काढले आहे. तुझे आई-वडील आहोत आम्ही, तुला सांगू नये पण परिस्थिती कठीण आहे. या वर्षी दिवाळीला तुला घरी बोलवू शकणार नाही, रेल्वेचे भाडे परवडणारे नाही..."