तूच माझी राधा
भाग ४९
प्रिया आणि राधा घरातून बाहेर पडल्या . तर हे तिघे श्रावणीला कसं बोलतं करायचे याचा विचार करत होते ? तेवढ्यात रोहन ला एक मेसेज आला . तो मेसेज वाचून रोहन म्हणाला , " नंदन , तुम्ही ठरवा . मला एक काम आलाय ते करून येतो . रात्री एकत्र जेवायला भेटू . "
" चालेल . भेटू . आम्ही पण निघतो . " अमोद कडे बघून म्हणाला , " चल , निघूया . "
दोघेही श्रावणी होती त्या मॉल मध्ये आले . नंदन ने शांत पणे श्रावणीला फोन केला
" हाय श्रावणी , "
" हाय . अरे आज कसा काय फोन केलाय ?"
" अगं तुला भेटावेसे वाटले म्हणून फोन केला . तू कुठे आहे ?"
" अरे , मी आपल्या आवडत्या मॉल मध्ये . "
" अच्छा . मी पण तिथेच आहे फूड कोर्ट ला भेटू . ये तिथे . "
" हो आलेच . "
श्रावणी मनात विचार करतच चालत निघाली . " आज याला का भेटायचे असेल ? हा मिळत नाही म्हणून मी लंडन ला निघालीय आणि आज याला भेटायचे आहे . राधा ने सोडून दिले कि काय ? अरे वा असं झालं तर किती मस्त . मी इथेच राहणार . आणि मी आणि नंदन एकत्र . वा . "
विचार चालू होतास कि तिला नंदन चा आवाज आला , " श्रावणी "
" आले नंदन . "
नंदन आणि श्रावणी एका टेबलावर बसले होते . तर त्याच्या मागे अमोद असा बसला होता कि तो श्रावणीला दिसणार नाही पण तिचे बोलणे रेकॉर्डिंग होईल .
नंदन ने बोलायला सुरुवात केली . नंदन ने बोलत बोलत तिने राधा बरोबर काय केलं ते काढून घेतले . आणि शेवटी म्हणाला, " हे बघ , श्रावणी आत्ता तुझ्या तोंडाने राधा ला काय सांगितले आहे ते काबुल केलाय आणि तू लंडनलाचाललीयस . तर तिकडेच राहायचे . परत माझ्या आणि राधाच्या मध्ये आली ना आता पर्यंत मैत्रीण म्हणून शांत होतो पण पुढच्या वेळी मी तो विचार बाजूला ठेऊन तुझी वाट लावायला सुद्धा मागे पुढे पहाणार नाही . कळलं का ? आणि हो आज पासून तुझा आणि माझा कायमचा संबंध संपला . परत कधीच माझ्याशी संपर्क करायचा नाही . निघ आता . "
बिचारी श्रावणी शॉक मध्येच निघून गेली . आपण काय विचार करून आलो आणि इथे काय झालं ???
ती गेल्यावर नंदन डोळे मिटून तिथेच बसून राहिला . तिच्या शेजारी अमोद येऊन बसला .पण त्याला कळलेच नाही . त्याने हळूच त्याच्या खांद्यावर ठेवला आणि आवाज दिला , " नंदन "
त्याने खोल श्वास घेतला आणि डोळे उघडले . " अरे , बघितलं . आपलीच माणसं कसं करतात . म्हणून मी इतके दिवस या सगळ्यापासून लांब होतो . पण आता राधा ने शेवट पर्यंत साथ देवो हीच अपेक्षा . पण ...... "
" पण काय ?"
" त्याच्याआधी तिने होकार तर दिला पाहिजे ना ? "
" देईल . तू नको वाईट विचार करू . "
" चल जाऊया घरी . "
" थांब . कॉफी घेऊ . "
" हो चालेल . बरं तू एकदा प्रिया ला फोन करून विचार त्या कुठे आहेत ? "
" हो विचारते . " असं म्हणत तो कॉफी आणायला गेला .
इकडे प्रिया आणि राधा एका कॅफेमध्ये बसले होते . राधा ने मेसेज करून रोहन ला पण बोलावले होते . आता तिघे मिळून पुढे काय करायचे ते ठरवतं होते .
राधाने प्रिया आणि रोहन ला ती काय आणि कसे करणार ते सांगितले .
" दादा , तू उद्या आई आणि बाबांना बोलावून घे . आधी पुण्यात बोलावं मग सांगेल पुढे काय ते ?"
" त्या आधी मला तू सांग तू काय निर्णय घेतला आहे . आणि त्यांना का बोलवायचे आहे ? "
मध्येच प्रिया म्हणाली , " राधा , खरचं सांग दादांशी लग्न करणारास का नाही ?"
" मी सांगतीय तेवढं करा . बाकीचे उद्या कळेल . "
" अगं पण ....... " प्रियाचा फोन वाजला . अमोद चाच होता .
राधा ने तिला इथलं काही सांगू नको अशी खूण केली. तिने मानेनेच होकार कळवला .
प्रिया आल्यावर राधा म्हणाली , " प्रिया , तू पण काकूंना आणि मावशींना आता काय सांगू नको मी स्वतः काय सांगायचे ते सांगेन . "
" बरं ऐका , तुम्ही दोघे घरी जावा . माझं थोडं केस च काम आहे . मी थोड्यावेळाने घरी येते . " असं बोलून राधा गेली पण .
ती गेलेली बघून रोहनने लगेच नंदन ला फोन लावला .
" हॅलो . मी रोहन बोलतोय . "
" बोल . काय झालं ?"
" इथे काही विशेष नाही . तुम्ही कुठे आहात ? झालं का काम ?"
" हो झालं . राधा पण आहे का ?"
" नाही . आपण आता कुठे भेटू शकतो . मी आणि प्रिया येतो . "
" थांबा . आम्हीच येतो . लोकेशन पाठवा . "
" बरं चालेल . या आम्ही वाट बघतो . "
असं बोलून फोन ठेवला . परत विचारात गुंतले .
बघूया पुढच्या भागात राधा काय करतीय ते .
क्रमश :
सौ . चित्रा अ . महाराव
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा