तिचा घटस्फोट.भाग -३

‘भाऊ-भावजयीच्या घरातील मोलकरीण.’ हे शब्द आठवले की अंगावर सर्रकन काटा येत होता. या सहा महिन्यात अजयने तिला खूप चांगले सांभाळले होते. त्याची ती लाडकी ताई होती त्यामुळे त्याला ती काही जड नव्हतीच पण सुधा आपल्याशी कसे वागेल हा प्रश्न मालिनीला छळत होता. सहा महिन्याचा काळ आणि संपूर्ण आयुष्य यात खूप फरक होता. या सहा महिन्यात सुधाचे वागणे चांगलेच होते पण पुढेही ती अशीच वागेल की तिला ओझे समजेल याचे उत्तर तिला अजून सापडले नव्हते.