तिचा घटस्फोट.भाग -२

सरिता नावाप्रमाणेच अवखळ जणू उत्साहाचा धबधबाच. कायम हसतमुख राहणारी आणि मनातील दुःख मनातच ठेवणारी. काही वर्षांपूर्वी तिच्या पतीचे निधन झाले होते आणि त्यामुळे ती काहीशी एकाकी पडली होती. कॉलेजात जाणारा मुलगा तिच्यापासून जरासा दुरावू लागला आणि तिचे एकाकीपण जास्तच वाढले. त्यातून बाहेर पडायला म्हणून सरिताचे मालिनीच्या घरी येणे वाढले आणि तिच्या स्वभावामुळे राजेश तिच्याकडे कसा ओढला गेला ते मालिनीला कळलेच नाही.