शेवटचा कॉल भाग 2

किचनच्या खिडकीतून बाहेर पूर्ण काळोख दिसत होता. लांबवर कुठेतरी एका कुत्र्याच्या भुंकण्याचा आवाज येत होता, पण घरात मात्र एकदम शांतता होती. तो मनातल्या मनात विचार करू लागला, 'काका तर बोलत होते ती जागा चांगली नाहीये वगैरे वगैरे, पण इथे तर असं काही वाटत नाही. हे म्हातारे लोक पण काहीही बोलतात. एखाद्या जुन्या गोष्टीचा उगीच बाऊ करून ठेवतात आणि नवीन आलेल्या माणसाला घाबरवतात.'