तपास (भाग:-३)

"आमच्याकडे पुरावे आहेत, सर. आमचा मुलगा जितू लहानपणी हरवला होता. खूप शोध घेऊनही तो सापडला नाही. नंतर आम्हाला कळलं की तो एका अनाथाश्रमात आहे. म्हणून आम्ही त्याला घ्यायला गेलो तिथे तर राजेंद्र आधीच त्याला दत्तक घेऊन गेला होता. त्याच्या पत्त्यावर आम्ही गेलो होतो; पण तो तिथे नव्हता. तो जितूला घेऊन कोठे गेला ते कळले नाही. मग अचानक या शहरात तो आला. म्हणून मग आम्ही त्याला आमचा जितू परत मागत होतो, विनंती करत होतो ; पण तो होता की आम्हाला सतत नकार देत होता. म्हणून मग त्या दिवशी आम्ही धमकी दिली." मिस्टर मोहिते खरं काय ते सांगून टाकले.