तपास (भाग:-२)

ते बाहेर पडलेले पाहून जितू पळतच बाहेर आला आणि "पप्पा, पप्पा" म्हणत दार उघडून बाहेर पाहिले ; तोपर्यंत राजू निघून गेले होते. त्याने त्यांना फोन केला; पण त्यांनी फोन उचलला नाही. पुन्हा पुन्हा फोन ट्राय केला पण त्यांनी काही फोन उचलला नाही. त्याला खूप भीती आणि काळजी वाटू लागली. त्याने बराच वेळ वाट पाहिली.  त्यातच त्याचा डोळा लागला. मध्य रात्र उलटून गेली तेव्हा त्याला जाग आली; ते आजूबाजूला पाहिले पण तेही काही आले नाहीत आणि त्यांचा फोनही आला नाही. तेव्हा त्याला रडायला येऊ लागले. त्याने मग केतनला फोन करून सगळे सांगितले.