सेकंड लास्ट.... 'तू' ही आणि 'मी' ही!

"तुम्हाला माहितीये, माझ्यासाठी तुम्हा सगळ्यांना रडताना पाहून, मी अगदी निर्धास्त झाले होते. वाटलं होतं माझ्यानंतर पुन्हा कोणीही माझ्या पावलावर पाऊल ठेवणार नाही.... पुन्हा कुठलीच निर्भया जन्म घेणार नाही. माझ्यासाठी लावलेली प्रत्येक मेणबत्ती मशाल होऊन त्या प्रत्येक नराधमांना जाळून राख करेल, आणि त्या राखेतून पुन्हा कुठलाही नराधम असं पाप करण्यास धजावणार नाही. मला अगदी खात्री पटली होती तेव्हा! मनुष्य लोकांतून परलोकात येणारी मी एकमेव निर्भया असेल असं मी स्वतःलाच निक्षून सांगितलं होतं. पण नाही.....माझ्या पावलावर पाऊल ठेवून अशा कितीतरी निर्भयांना या मनुष्यलोकातून परलोकात पाठवणार गेलं.... अजूनही पाठवलं जात आहे. मी हे सगळं बोलत असताना देखील एखादी निर्भया याच वाटेवर असेल......... आणि उद्या पुन्हा सगळ्यांना एक ब्रेकिंग न्यूज मिळेल.... चघळायला"