संस्काराचं नातं (भाग १)

श्वेता चित्रकलेची वही घेऊन पल्लवीच्या घरी अभ्यास करण्यासाठी जाते . ती पल्लवीच्या बाबांना तिने काढलेलं चित्र दाखवते, ते चित्र पाहिल्यानंतर पल्लवीचे बाबा श्वेताच्या चित्राचं फार कौतुक करतात . तिने काढलेल्या चित्राचे नीट निरीक्षण करून तिने ते चित्र किती सुंदर काढलं आहे. हे तिला सांगतात . त्या चित्रात तिने अजून कोणते बदल केले तर हे चित्र अजून सुंदर दिसेल हे देखील पल्लवीचे बाबा श्वेताला समजावून सांगतात. हे पाहिल्यानंतर श्वेताला खूप आनंद होतो. श्वेताने काढलेले चित्र पाहून पल्लवीचे बाबा तिला शाबासकी देतात. असंच रोज चित्र काढलस तर एक दिवस मोठी चित्रकार होशील . असा ते श्वेताला आशीर्वाद देतात.
श्वेता मनातच विचार करते पल्लवीच्या बाबांनी जसे माझे कौतुक केले. तसे कौतुक माझ्या बाबांनी केले असते तर.