साडी पुराण - भाग १

"रीमा.. चल अग! किती उशीर करतेस. हो आणि मी आत्ताच सांगतोय, आपण एकाच दुकानात जाणार आहोत; त्यामुळे मला सारखं सारखं चला दुसरीकडे बघू इकडे आवडत नाहीये, असे तर अजिबात म्हणायचे नाही. मी काही तुला दुसऱ्या दुकानात नेणार नाहीये; त्यामुळे एकाच दुकानात साडी पसंत करायची. हो आणि एकदाच घे काय ते.. पुन्हा घरी गेल्यावर म्हणू नको, की नाही आवडली.. ह्या साडीपेक्षा ती दुसरीच छान होती. मी काय पुन्हा पुन्हा तुला साडी बदलण्यासाठी घेऊन जाणार नाहीये. आणि पटकन आवरायचं.. समजलं. जास्त वेळ लावायचा नाही, नाहीतर मी तिथून उठून बाहेर निघून जाईन."