साज़िश: गॅम्बल ऑफ लव्ह (भाग-१२)

"तो... तो मला बोलला की मी माझ्याच कोशात जगते. मला रिॲलिटी माहिती नाही. मला सगळं आयतं मिळतं म्हणून मला उगाच कॉन्फिडन्स आहे की मी जग बदलू शकते, परिवर्तन घडवू शकते. मी कधीही पूर्ण न होणारं स्वप्न बघतेय आणि मला लवकरात लवकर खडबडून उठायला हवं असाही बोलला तो... अगस्त्य तुलाही असंच वाटतं का? तुम्हाला सगळ्यांनाही असंच वाटतं का?" गाथिकाने रडतच सगळ्यांना विचारले, तसे आता सगळे तिच्याकडे भावूक होऊन बघू लागले.