पंढरपूरची वारी

मंगल तिच्या सून आणि मुलासोबत एका शहरात राहत होती. दोघेही नोकरी करणारे. त्यामुळे ते दिवसभर बाहेर असायचे. नातवंडे होती; पण तीही दुसरीकडे शिकायला होती. मंगलच्या पतीचे काही महिन्यांपूर्वी अकस्मात निधन झाले होते. त्याचा धक्का बसल्याने ती अंथरूणाला खिळून होती. मंगलचे पंढरपूरच्या विठ्ठलावर नितांत श्रद्धा होती. चांगली होती तेव्हा ती मनोभावे त्याची पूजा, प्रार्थना करायची. पती हयात असताना तिला वारी करायची होती. पण काही ना काही कारणाने ते राहून गेलं होतं.