नात्यांची पाऊलवाट ८

"जोशी काका, तुम्ही हे जे बोलत आहात, ते सरळ सरळ माझ्यावर रोखून बोलत आहात हे मला समजतंय. माझा बेकरीचा स्वतःचा गाळा पूर्णपणे वेगळा आहे. मी घरातून कोणताही माल बनवत नाही की विकत नाही, मी फक्त रात्रीच्या वेळी शांतपणे तिथला हिशोब आणि कागदपत्रे तपासते. त्याने सोसायटीला काय त्रास आहे? आणि राहिला प्रश्न रात्रीचा... तर त्या रात्री सुसंकृत सोसाटीमधील कोण आले होते, हे तुम्हाला माझ्यापेक्षा चांगले ठाऊक आहे. माझा मुलगा तापाने तडफडत होता, त्याचा जीव धोक्यात होता. मी तुमच्या दारावर येऊन हात जोडत होते, पण तुम्ही कोणीच बाहेर आला नाहीत. एक दयावान माणूस माझ्या मुलाला वाचवायला धावून आला, तर तुम्ही त्याला सुरक्षेला धोका म्हणताय? हे कुठले फॅमिली कल्चर आहे तुमचे?"