नांदा सौख्यभरे..

"अरे देवा! काय करू गं मी तुझं? अगं वेडे, आपल्या आईंमध्ये आणि तुझ्या मैत्रिणीच्या सासूमध्ये काहीतरी साम्य आहे का? त्यांना मी चांगली ओळखते, त्या कशा आहेत आणि आपल्या आई कशा आहेत ते? कोणीतरी सांगत आणि तू लगेच विश्वास ठेवतेस. स्वतःचं डोकं चालवता येत नाही का तुला? आता मला लक्षात येतंय की गेले काही दिवस तू आईंशी अशी का वागत आहेस ते? तू कितीही वाईट वागलीस तरी आई तुझ्याशी चांगल्याच वागत होत्या ना. हेही तुझ्या लक्षात आलं नाही का गं तुझ्या? चल माफी माग आधी त्यांची." शालिनीने आधी तिच्या बालिशपणावर हात मारून घेतला आणि नंतर तिला चांगलंच फैलावर घेतले.