स्वप्न माझे

स्वप्न माझे फुल झाले
उमलणाऱ्या पाकळ्यांचे गंध ल्याले
गीत ओठी चांदणे झाले
मंतरलेले श्वास न्हाले

मांडली मी आरास स्वप्नांची
बहरली मालिका सुरांची
दिसे लावण्य आगळे
यौवनी नवे उम्हाळे

स्नेहल मूर्त हृदयी वसे
कणाकणात प्रीत दिसे
मन झुले हिंदोळ्या परी
हृदयात अगम्य माधुरी

कुजबूज करी चंचल वारा
प्रीतीचा सागर प्रीतीचा किनारा
क्षणाक्षणावर अंमल प्रीतीचा
ये ना राणी व्याकुळ मी कधीचा

............ योगिता मिलिंद नाखरे

📱

ईरा App

आता वाचा ईराच्या कथा सोप्या पद्धतीने

Other Pages