माझंच काय ते चुकलं - 3

काम झालं म्हणजे पगाराचे पैसे हातात आल्यावर भलताच खुश व्हायचा. पण त्यात कामगार मित्र कधी कधी दारू पाजून द्यायचे; त्यामुळे लडखळत घरी येताना त्याला कित्येकदा सांभाळलं असेल सुनीताने. त्याला बिडीचा नाद आहे, तो ही काही केल्या सुटत नव्हता. त्यात निम्मे पैसे खर्च होतात आणि राहिलेले घर खर्च भागवण्यात सुद्धा पूरत नाही.. आणि प्रश्न मात्र तसाच राहतो, महिना कसा घालवायचा? अशी बिकट अवस्था होऊन जाते सूनीताची.