मर्यादित चौकट (कोष)भाग ३अंतिम

अनेक ठिकाणी तर निवडलेल्या, चिरलेल्या भाज्या मिळतात. असे केले तर पूर्वीसारखे, 'काय पोळी भाजी विकत आणतेस'? असे कुत्सित नजरेने बघून कुणी काही म्हणणारही नाही. कारण ही आज काळाची गरज आहे. तरीसुद्धा बऱ्याच जणी अजूनही हे सर्व करण्यात, स्वतःला दमाविण्यात धन्यता मानत आहे.
नाही. मी आता माझ्या स्वतःसाठी वेळ देणार. स्वतःसाठी जगणार. याचा अर्थ नवऱ्याला, मुलांना वाऱ्यावर सोडणार असे नाही. पण नवरा, मुलं यांना जेवढा वेळ देते तेवढा वेळ मी स्वतःलाही देणार. स्वतःलाही जपणार. असे म्हणत सुहासिनीने स्वतःभोवती एक गिरकी घेतली आणि ओठावर आवडीचे गाणे गुणगुणत सुस्मिताला फोन लावला.