माहेरची जबाबदारी अंतिम भाग

प्रियाच्या सासूबाई त्यांच्या माहेरच्या नातेवाईकांकडे काही कार्यक्रमासाठी गावी गेल्या होत्या. तिथे त्या पडल्या. त्यांना खूप लागले. गावाहून असा फोन येताच प्रियाने लगेच आपल्या भावाला फोन करून सांगितले. तिच्या भावाने आपली सर्व कामे बाजूला ठेवून अगोदर प्रियाच्या सासूबाईंना हॉस्पिटलमध्ये ऍडमिट केले आणि व्यवस्थित काळजी घेतली. प्रियाचे माहेरचे गाव जवळच होते त्यामुळे तिच्या भावाची सासूबाईंना मदत झाली. प्रिया व शुभम येईपर्यंत त्याने सर्व छान सांभाळले होते. सासूबाई जेवढे दिवस हॉस्पिटलमध्ये होत्या तेवढे दिवस प्रियाच्या माहेराहून डबा येत होता.अशा प्रसंगी प्रियाच्या माहेरची खूप मदत झाली.