मधुमालती- नवी ओळख भाग दोन

"मी जात आहे. कुठे ते माहीत नाही, पण आता इथून पुढे मला इथे राहणे शक्य नाही.कपाटातील माझे कपडे आणि माझ्याकडे थोडे पैसे होते ते घेऊन जात आहे. जास्त नाही पण दोन गळ्यातले सोन्याचे दागिने कपाटातील आतल्या लॉकरमध्ये आहेत. एक रेवाला आणि एक श्वेताला घ्यायला सांग. याव्यतिरिक्त माझ्याकडे तुम्हाला द्यायला काही नाही. माझ्यामुळे रेवाला आणि तुला त्रास झाला. मला शोधायचा प्रयत्न करू नकोस. उगाचच सगळीकडे चर्चा होईल.घरातील सगळी कामं झालेली आहेत.
तुला आणि अमितला खूप आशीर्वाद.
सुखी रहा."