❤ प्रेम ❤

प्रेम म्हणजे निर्दयी दुनियेतील सुंदरतेच प्रतीक,                            प्रेम म्हणजे भावना जी करते जीवन सांगितीक. 

प्रेम म्हणजे अव्यक्त मनाची ओढ,                                              प्रेम म्हणजे साजूक तुपातला शिरा तो गोड.

प्रेम म्हणजे रुसणे आणी फुगणे,                                    जोडीदाराला लाघवी बोलून ते मनवणे

प्रेम म्हणजे सहकार, प्रेम म्हणजे तिरस्कार,                                  प्रेम म्हणजे समोरच्याचा भावनिक सत्कार.

प्रेम म्हणजे संपूर्ण समर्पण,                                                      प्रेम म्हणजे दुसर्‍यास जीवन अर्पण.

प्रेम म्हणजे एकमेकांसाठी झुरणे,                                              दुसर्‍याच्या आनंदासाठी स्वत: ते हरणे.

प्रेम म्हणजे तक्रार, प्रेम म्हणजे भांडण,                                तिमीर जीवनातील सुर्यकिरणांचे गोंदण.

प्रेम म्हणजे मिठीतला विसावा,                                                  प्रेम म्हणजे आकाशातील पाखरांचा थवा.

प्रेम म्हणजे दुराव्यातील आठवण,                                            प्रेम म्हणजे भावनांची साठवण 

प्रेम म्हणजे आयुष्यभर साथीचे वचन,                                        प्रेम म्हणजे व्याकुळतेने ओलावलेले लोचन. 

प्रेम म्हणजे सुरुवात, प्रेम म्हणजे अंत,                                        प्रेम म्हणजे वाहणारा समुद्र तो संथ. 

प्रेम म्हणजे उदय, प्रेम म्हणजे अस्त,                                          सदैव एकमेकांत गुंतलेली मने ती व्यस्त.

प्रेम म्हणजे श्वास, सततचे तुझे भास,                                          मनात सदैव असते तुझी आस.

               *** समाप्त ***