रंग तुझा संग तुझा वेड जीवा लावी
तुझ्या सवे बहरणारी प्रीत जपावी
तुझ्या सवे बहरणारी प्रीत जपावी
आरशात पाहताना हसलीस तू
गालावर फुलले, किती ऋतू
बहारदार रूप, तुझे लाघवी
धुंद मनी, स्वप्न जागवी
गालावर फुलले, किती ऋतू
बहारदार रूप, तुझे लाघवी
धुंद मनी, स्वप्न जागवी
आभाळाच्या अंगणात तू चांदणी
हृदयाचे हाल, लवता पापणी
तुझ्या हाती स्वप्नांची देत चावी
प्रेमाची गोड गंमत पहावी
हृदयाचे हाल, लवता पापणी
तुझ्या हाती स्वप्नांची देत चावी
प्रेमाची गोड गंमत पहावी
हळवे हृदय तुला सुपूर्द व्हावे
आनंदाने तुझ्यात विरघळावे
प्रेमाची वाट सुखमय व्हावी
अखंड सोबत तुझी लाभावी
आनंदाने तुझ्यात विरघळावे
प्रेमाची वाट सुखमय व्हावी
अखंड सोबत तुझी लाभावी
....... योगिता मिलिंद नाखरे