कोण होता तो?..

कार्तिकला गावाकडची जमीन विकायची होती. त्याच विक्रीसाठी तो ऑफिस सुटल्यावर डायरेक्ट गावाकडे निघाला होता. बऱ्याच वर्षांनी तो गावी जात होता. इतक्या वर्षात गावाचा कायापालट झाला असेल असे त्याला वाटले होते. त्या अनुषंगाने रात्रीपर्यंत गावी पोहोचू या अंदाजात तो निघाला होता. गावात एखाद्या हाॅटेलमध्ये थांबून जेवण करू असेही त्याने ठरवले होते. ठरवलेले कधीच होत नसते तेच त्याच्याबाबतीत झाले होते. सोबतीला कोणीच नव्हते. रात्रीचा प्रवास असेल तर नेहमी तो एकटाच जायचा.