इश्क तेरा... भाग:३३

कोणीतरी त्याच्या गळ्याला धरून मागे खेचले. त्याने वळून पाहिले तर मागे क्रिस रुद्रावतार धारण करून उभा होता. आपल्या बळकट डाव्या हाताने क्रिसने त्याची मान घट्ट पकडली होती. क्रिसने सर्वशक्तीनिशी त्याला स्वतःकडे वळवले आणि खालचा ओठ दाताखाली दाबत उजव्या हाताचा एक जोरदार ठोसा त्याच्या मुस्काटात लगावला.
एका ठोशातच त्याच्या तोंडातून रक्त वाहू लागले, पण क्रिस थांबला नाही. त्याने पुन्हा मागे सरकत त्या नराधमाच्या दोन्ही पायांच्या मधोमध जोरात प्रहार केला. तो कळवळत खाली कोसळला.
दुसऱ्या बाजूला स्पर्धेचा निकाल जाहीर होत होता. पंकज आणि योगेश्वरने आपापल्या गटात विजेतेपद पटकावले होते. सगळीकडे जल्लोष सुरू झाला. प्रतीक आणि विशालने आनंद साजरा करत मंचावर जाऊन आपला चषक उंचावला. इकडे क्रिसने मात्र जुलियानाला आपल्या मिठीत उचलले आणि तो आपल्या गाडीच्या दिशेने चालू लागला. शरीरसौष्ठव स्पर्धा मंचावर रंगली असली तरी, खरी स्पर्धा मात्र मैदानाबाहेर क्रिसने जिंकली होती.
क्रिसने जुलियानाला गाडीत बसवले आणि घराची वाट धरली. प्रतीकने त्याला फोन लावला.
"सर, कुठे आहात तुम्ही? योगेश आणि पंकज जिंकले!" प्रतीकने आनंदाची बातमी दिली.
"मी घरी निघालो आहे. जुलियानाला थोडे बरे वाटत नाहीये. दोघांचे अभिनंदन कर, आपण उद्या भेटू." असे म्हणत क्रिसने फोन ठेवला.
घरी पोहोचल्यावर त्याने जुलियानाला उचलून बेडरूममध्ये नेले आणि पलंगावर झोपवले. ती गाढ झोपली होती. क्रिस तिच्या चेहऱ्याकडे पाहत तिथेच बसला.
'नक्कीच त्याने हिला काहीतरी पाजले असणार. नशीब मी वेळेवर पोहोचलो, नाहीतर अनर्थ घडला असता.' क्रिस विचार करत होता.
तेवढ्यात त्याचे दुसरे मन जागे झाले आणि उपहासाने हसू लागले.
"तू त्या माणसाला का मारले क्रिस?" मनातील आवाजाने विचारले.
"कारण त्याने जुलियानाला नशा दिली होती."
"बस्स? पण हेच काम तू सुद्धा आधी कितीतरी वेळा केले आहेस. मग आज राग का आला?"
"कारण तो तिला गाडीत घालून कुठेतरी घेऊन जात होता."
"तू सुद्धा कितीतरी मुलींना नशेत गाडीत घालून नेले आहेस क्रिस, त्यात नवल काय?" मन पुन्हा बोलले.
"पण तो तिच्या शरीराशी खेळणार होता. तिच्या अब्रूचा प्रश्न होता!" क्रिस चिडून म्हणाला.
"हाहाहा! तू कधी कोणाच्या शरीराशी खेळला नाहीस का? अब्रू वगैरे शब्द तू कधीपासून वापरायला लागलास? सेक्स म्हणजे फक्त एन्जॉयमेंट, असे तर तूच म्हणायचास. मग त्याला का नाही करू दिली 'एन्जॉयमेंट'?"
"तू गप्प बस!" क्रिस ओरडला.
"मला गप्प केल्याने सत्य बदलणार नाही क्रिस. तुला तिचे ओझे वाटत नाही, कारण तुला तिच्याबद्दल काहीतरी वेगळे वाटू लागले आहे."
"जुलियाना माझी आहे! तिच्यावर वाईट नजर टाकणाऱ्याचे डोळे मी काढू शकतो."
क्रिसचे ते दुसरे मन अदृश्य झाले, पण त्याचे विचार भूतकाळात गेले. त्याला काही वर्षांपूर्वीचा एक प्रसंग आठवला.
"क्रिस, तुला एक चॅलेंज देतो. स्वीकारणार का?" क्रिसचा एक मित्र म्हणाला होता.
"क्रिस असा एकही पैज नाही जी जिंकू शकत नाही."
"पण ही पैज कठीण आहे. ती समोरची मुलगी दिसतेय ना, नेहा? कॉलेज युनिफॉर्ममधली."
"हो, नेहा. ११ वी मध्ये आहे."
"खूप साधी मुलगी आहे ती. घर आणि कॉलेज यापलीकडे तिचे जग नाही. तिची वर्जिनिटी ब्रेक करण्याचे चॅलेंज मी तुला देतो." मित्र म्हणाला.
"हाहाहा! कसले फालतू टास्क देतोस. अशा कितीतरी मुलींना मी पाहिले आहे. चल, स्वीकारली पैज!"
क्रिसने तिला लिफ्ट देण्याच्या बहाण्याने मैत्री केली. सुरुवातीला तिने प्रतिसाद दिला नाही, पण सलग काही दिवस प्रयत्न केल्यावर ती त्याच्या गाडीत बसायला तयार झाली. नेहा हळूहळू त्याच्या प्रेमात पडली. एक दिवस क्रिसने तिला कॉलेज 'बंक' करायला लावले.
"नेहा, आपल्याला कोणी एकत्र पाहिले तर?" क्रिसने विचारले.
"माझे बाबा मला जिवंत सोडणार नाहीत." नेहा घाबरत म्हणाली.
"मग चल, एका हॉटेलमध्ये रूम बुक करूया. कॉलेज सुटेपर्यंत तिथेच सुरक्षित राहू."