गे मायभू तुझे मी फेडीन पांग सारे...

तिच्याविषयीचा इतिहास फारसा समोर येऊ शकला नसला तरी जेवढं काही उपलब्ध आहे त्यावरून तिच्या अद्भुत शौर्याची गाथा आणि वीरतेचा परिचय होतो.

वास्को दी गामा पाठोपाठ कितीतरी पोर्तुगीज जहाज कालिकतच्या बंदरात व्यापारी उद्देशाने दाखल झाले.
भारत पोर्तुगीज व्यापाराचा नवीन अध्याय सुरू झाला.
दक्षिण भारतातून मसाल्यांचे पीक अरब राष्ट्रांमध्ये निर्यात करणे आणि त्याबदल्यात प्रचंड सोने मिळविणे. विशेषतः गोवा मंगलोर तुलुनाडू ही व्यापारी केंद्र बनली होती.
तुलुनाडूची राजधानी उल्लाल येथून राणी अब्बका गादी चालवत होती.
दिसायला सावळी पण सुंदर अशी ती बालपणापासूनच अतिशय साहसी ,बुद्धिमान युद्धशास्त्र निपुण, बुद्धीप्रामाण्यवादी,तिरंदाजीत तरबेज, तलवारबाजीत निष्णात होती. ती एक असाधारण मुलगी होती.