एक ऑनर किलिंग असंही.....भाग १

कोण चूक कोण बरोबर? तिच्या घरच्यांवर विश्वास ठेऊन तो चुकला... की आपल्या घरच्यांच्या मनातलं कपट ओळखायला ती कमी पडली म्हणुन ती चूक? या सगळ्याचा आता काहीच अर्थ नव्हता. सगळाच अनर्थ घडला होता. आभाळ सगळीकडून फाटलं होतं.. शिवणार तरी किती? ठिगळं तरी किती लावायची? आपल्या घराण्याची अब्रू वाचवण्याची तिच्या घरच्यांची ही पद्धत पाहुन हसावं की रडावं हेच कळेना त्याला. स्वतःची अब्रू वाचवण्याच्या नादात दोन्हीही घरांची अब्रू वेशीला टांगली होती.