निर्णय... चूक की बरोबर..(अंतिम भाग)

   सुरुवातीला तिला सुमितची आणि आपल्या सुटलेल्या कुटुंबाची आठवण येऊन रडू यायचे, पण ती स्वतःला आवरायची...दुसरीकडे, सुमित आणि त्याच्या घरच्यांवर कोर्टात केस सुरू झाली होती. सुमितचे वकील नेहावर दबाव आणण्याचा प्रयत्न करत होते, "केस मागे घे, सुमित तुला नीट सांभाळेल...तुला आम्ही पैसे देऊ" पण नेहा आता ती जुनी, घाबरलेली नेहा नव्हती. तिने कोर्टात ठामपणे सांगितले, "मला पोटगी किंवा त्यांचा पैसा नकोय, मला फक्त त्यांच्यापासून घटस्फोट आणि न्याय हवाय." नेहाची ही हिंमत पाहून सुमित आणि सासरच्यांचे अवसान गळाले...कारण त्यांना हे कळून चुकले होते की आता नेहा माघार घेणार नाही..