भय इथले संपत नाही भाग १

आजपासून साधारण पस्तीस- चाळीस वर्षापूर्वीची गोष्ट.
आजी आजोबा मी आणि तुझा बाबा आम्ही सगळे इथे रहायचो...म्हणजे रीडेव्हलपमेंट होण्याच्या आधी गं...आता तुम्हाला त्या जागेवर हा एवढा थ्री बेडरूम हॉल किचनचा प्रशस्त फ्लॅट मिळाला आहे ...तिथे पूर्वी आमचे घर होते. छोटेसेच होते पण आमच्या खूप साऱ्या आठवणी त्याच्याशी निगडित आहेत...तुझा बाबा आणि मी भेटलो की त्या आठवणींना उजाळा मिळतो... कितीतरी आठवणी या घराशी निगडीत होत्या...आमचे खेळणे...बागडणे...भांडणे ...अगं एका छोट्याशा बिस्किटसाठी सुद्धा आम्ही भांडायचो...त्याचे समान तुकडे करून वाटून घ्यायचो...आता घरात खाऊचे डबे भरलेले असले तरी ती मजा आता नाही..."