अवनी एक प्रवास भाग ११५

परी थेट तिच्या खोलीत जाऊन पोहोचली. तिला आता तिचे उद्या डान्ससाठीचे सगळे कपडे नीट ठेवायचे होते. ते तिने नीट अरेंज करून ठेवले. तिचे डान्ससाठीचे गाणे तर तिने आधीच स्टेजवर म्युजिक अरेंज करणाऱ्या माणसांजवळ दिले होते. ते नीट वाजत आहेत का ते देखील तिने जातीने हजर राहून पाहिलं होत. सोबतच जे बिट्स गाण्यात आले नव्हते ते तिने त्या माणसांना वाजवायला लावले होते. ते बिट्स कुठल्या कडव्यानंतर कुठल्या जागी वाजवायचे हे देखील सांगितले होते. तिला हवं तस झालेलं दिसल्यावरचं ती तिथून निघून आली होती. परीचे ते म्युझिकच ज्ञान बघून ती माणस परीवर इम्प्रेस झाली होती.