अवनी एक प्रवास भाग ८५

काल जशी परी सुजयच्या खोलीतून बाहेर पडली. तशी नयन देखील तिच्या मागे आली. मागच्या वेळेस तिच्याबद्दल जो गैरसमज झाला होता तो तिला दूर करायचा होता. रात्री जेव्हा सुजयला हॉस्पिटलला आणल गेल होत. तेव्हा त्याची ती अवस्था बघून नयनच्या पायातले त्राण जणू गळून गेले होते. कालपर्यंत त्याच्याशी बोलणार नाही या रागात असणारी नयन, सुजयला त्या अवस्थेत बघून खूपच घाबरून गेली. आपल्या जवळच्या व्यक्तीला गमावण्यासारखी वेळ आली की बाकी सगळ्या भावना गळून जातात आणि त्या व्यक्तीला वाचवण्यासाठी प्रयत्न करू लागतात. तिच्यासोबत तसच झाल. तिने तेव्हा तर पटकन सुजयवर फर्स्ट एड केला. पण जेव्हा त्याला ऑपरेशन थेटरमध्ये नेल तेव्हा तो अजूनच घाबरून गेली. मग तिला काहीच सुचेनास झाल.