अर्धीच पोळी.. भाग २

" अग.. मला ना.. चांगलं आठवतंय. एकदा आमचे हे मला परत न्यायला म्हणून आले होते. येई येईतो रात्री उशीर झाला. येताना सोबत म्हणून भावजीही आले होते. दिवसभर प्रवासाने थकलेले ते दोघे जेवायला बसले. भाजी उरली म्हणून यांनी एक घास पोळी मागितली. पोळ्या नेमक्या संपल्या होत्या तर दादाने यांना बोलण्यात गुंतवले. तू पटकन कणिक मळून यांना गरम पोळी करून वाढलीस.. साक्षात अन्नपूर्णाच ग तू.. गेले ग.. ते दिवस गेले." शोभाताई हताश होत बोलल्या.