अंत: अस्ति प्रारंभ: | भाग ४३

'  प्रेम करणे चुकीचे आहे का? आणि माझे आयुष्य आहे. यावर माझा अधिकार आहे. आईवडिलांना दाताच्या कण्या करुन विनवणी करत होते.त्यांनी ऐकले नाही.'
" होणाऱ्या नवऱ्याला जर काही सांगितलेस तर मी जीव देईन" अशी आईने धमकी दिली होती.त्यामुळे नाईलाजाने ती लग्नाला तयार झाली होती.
  "मी नवऱ्याला फसवले म्हणून या तिऱ्हाईत माणसाला राग येण्याचे काय कारण? मी आणि माझे आयुष्य ! याला मध्ये कडमडायचे काय कारण?" असे तिला वाटत होते.नाहीतरी हा सायको आहे हे त्याच्या वागण्यावरुन  तिच्या लक्षात आले होते.पण आता ती पुरती अडकली होती.
जवळपास महिना उलटून गेला होता.या महिनाभरात तिने रुमच्या बाहेर अजिबात पाऊल टाकले नव्हते.रुममध्येच टाॅयलेट बाथरुम होते. जेवण तर तोच घेऊन येत होता.तो रोज न चुकता तिच्यासाठी गजरा घेऊन येत असे. तिच्याजवळ आल्यावर तो अतिशय आक्रमक होत असे. तिला आधी केसांत गजरा माळायला लावत असे.तिच्याजवळ आल्यावर तो गजरा आपल्या हाताने एक एक कळी तो कुस्करुन टाकत असे.त्यावेळची त्याची नजर पाहून अनिताला भीती वाटत असे.त्यानंतरचा त्याचा आवेश तिला पेलवत नसे.परंतु ते सहन करण्यावाचून तिच्याकडे दुसरा पर्याय नव्हता.

0