आणि देवी प्रसन्न झाली...भाग २

मंदिरापासून जवळच एका दुकानात ते गेले. साड्या, ड्रेस, लहान मुलांचे कपडे... छान मांडलं होतं. दुकानात गेल्याबरोबर तिचं लक्ष तिथल्या फीडबॅक मशीन कडे गेले. त्यावर काही ईमोजी होते.... कस्टमर ने आपल्याला हवा तो पर्याय दाबून सर्विस कशी ते सांगायचं. खरंतर आजकाल सगळीकडेच या मशीन्स असतात, पण ही काही खास होती. त्या मशीन मधून, पर्यायनुसार वेगवेगळे आवाज यायचे. सोबत डिस्प्ले वर दिसणाऱ्या ईमोजी. 'खूप आवडलं' यासाठी उड्या मारत, टाळ्या वाजवत मोठ्याने हसणारा ईमोजी, 'आवडलं' यासाठी फक्त हसणारा ईमोजी, 'नाही आवडलं' साठी तोंडं पाडून शांत बसलेला ईमोजी आणि 'अजिबात नाही आवडलं' साठी सॅड वाला ईमोजी. शेवटच्या दोन पर्यायांसाठी सॅड मुसिक वाजायचं. आणि ईमोजी एका कोपऱ्यातून दुसऱ्या कोपऱ्यात सॅड फेस करत चालायचे.