आणि देवी प्रसन्न झाली...भाग ५

"आई अहो देवालाच तर वाहतेय. नवरात्रीत मुलींनाच तर देवी म्हणून पूजतो ना. मग ही देवीच आहे ना. मग त्या मंदिरातल्या देवीला देण्यापेक्षा या देवीला देतेय मी. गरज हिला जास्त आहे ना आई. तुमच्या त्या देवीला खूप काही आहे हो. हिच्याकडे काहीच नाही. मेहनत आणि स्वाभिमान सोडून. आणि तुम्ही ही एवढी महागातली साडी देताय, नारळ चढवताय... ते परत मागच्या दाराने विकायला ठेवलं जातं. तुम्ही भक्तीभावाने वाहिलेली वस्तू, पुन्हा विकली जाते. तुमच्या भक्तीभावाचा भाव केला जातो. सगळीच मंदिरं गरजू लोकांना मदत नाही हो करत. म्हणून आपणच ते डायरेक्ट अशा लोकांना दिलं तर काय वाईट आहे. आणि देव तसंही भावाचा भुकेला असतो हो."