आदरणीय लेखिका सायली कुलकर्णी : शब्दांतून ओसंडून वाहे प्राजक्तसडा

यादरम्यान त्यांचा विवाह झाला. आयुष्यात सोनेरी दिवस आले. सुखाचा संसार सुरु झाला. संसार वेलीवर सुंदर अशा आरोहीचे आगमन झाले. हा त्यांच्या आयुष्यातीला परमोच्च क्षण होता. आरोहीच्या आगमनाने त्यांच्या आयुष्यात नवचैतन्य निर्माण झाले. घरी बाळाच्या जोपासनेत वेळ जात होता. अशावेळी रिकाम्या वेळेचा सदुपयोग म्हणून सायजींनी कविता लिहायला सुरवात केली. येथूनच त्यांचे लिखाण गती घेऊ लागले. मॉम्सप्रेसो , ईरा व अक्षरधन यासारख्या व्यासपीठावर लिहायला सुरवात केली. लिखाणाच्या आवडीमुळे त्यांचे लिखाण आता बहरु लागले होते. ईरावर त्यांचे लेखन गती घेऊ लागले. तिचे आस्तित्व, दुरावलेल्या रेशीमगाठी, नाती सांभाळताना, तिची फरफट स्रीत्वाची लढाई , अगतिक , त्या वळणावर , कुरुप, नवरा बायकोचा पुर्नजन्म, वाट ती अनोळखी , भाग्य दिले तु मला अशा बहारदार कथामालिका ईरावर लिहून त्यांनी वाचकांना सजग केले आहे. ईरा चॕम्पियन ट्राॕफीमध्ये सांघिक लेखनात आपला ठसा उमटवला. ईराच्या विविध स्पर्धेतील त्यांचा सहभाग वाखाणण्याजोगा असतो.