अडखळणारे पाय   भाग १

" काका पण ही गोष्ट खरी आहे. बाबा आमचं ऐकत नाहीत. त्यांना अनेक वेळा सांगितलं आहे तुमची खोली सोडू नका म्हणून. वयानुसार अशक्त झालेत ते. पाय थरथरात त्याचे. चालताना अडखळतात. त्यांना खूपदा सांगितलं की झोपून रहा, आराम करा पण यांना घरातल्या घरात का होईना, फिरायचं आहे. आता हे या थरथरत्या आणि अडखळत्या चालण्यामुळे कुठे पडले तर माझा खर्च होईल तो वेगळा पण ऑफिसला सुट्ट्या टाकून घरी बसाव लागेल ते वेगळं. यांना काय त्याच ? आम्हांला किती टेन्शन असतं नोकरीच ते आम्हांलाच माहित. या वयात नको ते सुचत यांना. आम्ही काय सर्व सोडून यांच्या मागे पुढे करत बसायचं का आता ? 'साठी' बुद्धी नाठी म्हणतात ते उगीच नाही. " सारंग आपल्याच तालात बोलत होता.