आत्मसन्मान (भाग:-३ अंतिम)

"हे बघ नेहा, मला माझी चूक कळली आता. इथून पुढे नाही होणार तसे. मी .." तो बोलत होता पण मनापासून बोलत नव्हता हे त्याची नजर तिला सांगत होती म्हणून ती त्याला अडवत म्हणाली,"असू द्या हो, कोरडी आश्वासन नको आहेत मला. मलाही आत्मसन्मान आहे हो हे विसरलात तुम्ही. किती वेळा आत्मसन्मान पायदळी तुडवून टाकलंत तुम्ही. माझ्या मनाला ठेस पोहोचवलीत. इतके घायाळ केले की आता किती ही मलमपट्टी केली तरी ती बरी होणार नाही. खूप विचारपूर्वक मी निर्णय घेतलाय. त्यात तुम्ही आड येऊ नका."