माझी आई काय भाजी करते.. अंतिम भाग

"बघू, कसं जमतंय ते.." सलील हसत म्हणाला. प्रिया रोज चुकतमाकत स्वयंपाक करत होती. काही चुकलं तर आरडाओरड न करता सलील तिला समजून घेत होता. आणि एके दिवशी फायनली प्रियाला तिखटामीठाचा अंदाज आला. तो दिवस दोघांनीही आपल्या पद्धतीने साजरा केला. आठ दिवसांसाठी म्हणून गेलेल्या शोभाताई महिनाभर माहेरीच अडकल्या. तसा त्यांचा रोज फोन यायचा.. पण तिथून त्याही खूप विचारू शकत नव्हत्या.. आणि हे दोघेही जास्त काही सांगत नव्हते.