माझी आई काय भाजी करते.. भाग २

"दिवसभराचा उपाशी तू भरल्या पानावरून उठू नकोस.. थांब मी पटकन पिठलं करून आणते." शोभाताईंनी पटकन पिठलं करून आणलं. सलीलने अळूच्या भाजीकडे बघितलं देखील नाही. प्रिया कशीबशी जेवून उठली. तिच्या डोळ्यात पाणी होते. सगळं आवरून ती बेडरूममध्ये गेली. सलील हातात मोबाईल घेऊन बसला होता. प्रिया काही न बोलता बेडच्या दुसर्‍या बाजूला जाऊन झोपली. तिच्या हुंदक्यांचा आवाज ऐकून सलीलला कसेतरी वाटले.