मेहनत एकाची.... मजा दुसऱ्याची (अंतिम भाग)

"हे सगळं मी फक्त तुझ्यासाठी केलं....दरवेळी तू आपल्या माहेरच्यांना बोलावून, चांगल्या पद्धतीने सगळं देतेस करतेस, पण स्वतःसाठी मात्र तुला तुझा हक्क कधीच मागता येत नाही. ही लढाई माझ्या हक्कासाठी नव्हतीच सोना, ही लढाई तुझ्या हक्कासाठी होती की तूही तुझा हक्क मागून घेऊ शकतेस.... दिवसभर तू काम केलेस तुला त्यांनी साध जेवलीस का? हे सुद्धा विचारले नाही... तू तिथे रिकामी बसून खात नाहीस, उलट दुप्पट काम करतेस, तरीही तुला दुय्यम वागणूक मिळते हे चुकीचं आहे. स्वतःसाठी उभं राहायला शिक.... मी येईन किंवा नाही, त्याने फरक पडत नाही पण तू फक्त कष्टासाठीच वापरली जाऊ नयेस, इतकंच माझं म्हणणं आहे."
फोन कट झाला. सोना बराच वेळ स्तब्ध उभी राहिली ...