रणचंडी ताराराणी

सहा महिने औरंगजेब विशाल गडाला वेढा मारून बसला पण काहीच उपयोग झाला नाही. विशाल गडाला जेव्हा औरंगजेबाने मोर्चे लावले होते तेव्हा ताराराणी स्वतः हातात तलवार घेऊन औरंगजेबाच्या सैन्यावर तुटून पडली. आणि त्यांचा वेश तरी कसा? मावळ्यांचा पुरुषी वेश नव्हे तर, नऊवार पातळ, एका हातात तलवार आणि दुसऱ्या हातात परशू घेऊन ती मुघल सैन्यावर तुटून पडली. तलवार चालवण्याची ताराराणींची तऱ्हा तरी किती वेगळी! तलवारीचं पातं मधोमध हातात घेऊन तलवारीच्या मुठीन ती गनिमावर निर्ममपणे आघात करत होती आणि आपल्या सैनिकांना आदेश देत होती.