सरोळीतील पाऊस आणायला जाण्याची प्रथा : धार्मिक श्रद्धा व एकात्मतेचा उत्सव

आपल्या गावात प्रामुख्याने भात व ऊस ही पिकं घेतली जातात.पूर्वी भातासाठी जमीन तयार करताना खूप कष्ट करावे लागत असत. गुढी पाडव्यासून शेतीचे कष्टकाम चालू असायचे. जमीन बैलाच्या साहाय्याने नांगरट केली जायाची. मोठे- मोठे हेंडे लाकडी कोडत्याच्या मदतीने फोडले जायाचे. हे फोडताना हाताला फोड यायचे. हेंडे फोडून जमीन बारीक करुन , कुळव ,पाटे मारुन पेरण्यासाठी जमीन सज्ज केली जाते.मे महिन्यात रोहिणी नक्षत्रात भाताची पेरणी केली जायाची. पाऊस पडल्यावर भाताची उगवण होत असे. भात थोडं मोठे आले की कोळपणीला सुरवात होत होती. यामुळे बराच तणाचा बंदोबस्त होत असे. यानंतर निंदणी , खुरपणी करुन भाताची निगा राखली जात असे. आता भात मोठे झाल्यावर रासायनिक खताचा डोस दिला जायाचा. यामुळे भात तजेलदार व डौलदार भात येत असे. पाऊस सतत असलेमुळे भाताची जोमदार वाढ होत होती. भाताच्या ओप्यामध्ये पाणी तुंबुन राहायचे. मग भर पावसात चिखल कोळपे घातले जायचे यामुळे भात अधिक घट्ट होते व अधिक उत्पन्न मिळण्यास मदत होत होती.भात उगवणीपासून ही कामे दोन तिन महिने चालू असायची.